GoBear is now part of Finder

Finder is committed to editorial independence. While we receive compensation when you click links to partners, they do not influence our content.

【報稅計算機2019】點樣用盡免稅額、扣稅開支,幫你慳到最多稅?

辛辛苦苦打工,當然唔想交咁多稅啦。其實喺報稅嘅時候,每個人都可以透過「免稅額」同稅項「扣除」(下稱「扣稅」)項目,減少交稅金額,變相慳返一筆;相反,漏報嘅話就會令自己交多咗稅,變相蝕俾政府啦!

Bowtie今次為大家講解報稅途徑、薪俸稅計算方法、以及介紹「免稅額」及「扣稅」項目,幫大家盡量慳多啲稅。

首先你要知道點樣報稅

如果你係一般打工仔,你收到嘅會係「個別人士報稅表(BIR60)」,呢張表係用嚟申報你嘅所有薪俸收入(包括職位年收入、「花紅」、佣金及退休金嘅收入等)、獨資業務嘅利潤、出租全權物業嘅租金,以及申索「免稅額」同「扣稅」項目。

稅局一般會喺每年5月份第1個工作日向納稅人寄出「個別人士報稅表(BIR60)」。收到該表之後,有2個方式報稅︰填實體表報稅及網上報稅。

2018/19年報稅表已發出

【最新消息】稅務局宣佈已於2019年5月2日發出約268萬份2018/19課稅年度的個別人士報稅表,各位緊記要1個月內(即6月3日或之前)填好報稅表交返稅局;如經網上報稅就可獲自動延期1個月(即限期為7月3日)。如果你已經投保咗自願醫保,記得申請扣稅呀!

1. 填實體表報稅

一路以嚟亦都係最傳統嘅方法當然係人手填表,填好份表再寄返稅局。「個別人士報稅表(BIR60)」入面要填嘅主要係個人資料、報稅期內嘅收入詳情、申索扣稅同免稅額等。

如果填表有疑問或困難,喺打電話或電郵查詢之前,可以先參考稅局提供嘅「個別人士報稅表指南」同埋「個別人士報稅表(BIR60)」樣本。指南同樣本入面都有好多有用嘅指引同提示去幫大家填寫份報稅表。

值得一提,填報稅表係有期限嘅,納稅人須喺報稅表發出日期起嘅1個月內填妥同交回報稅表;而獨資業務東主嘅交表期限就可延長至報稅表發出日期起嘅3個月內。

另外,郵寄報稅表時謹記要貼足郵票,因為稅局係唔會收取郵資不足嘅郵件,郵件退回及重寄需時,分分鐘會搞到meet唔到deadline!

「稅務易」eTax

2.「稅務易」eTax – 網上報稅

收到報稅表後,如果嫌郵寄交表麻煩,你可以透過「稅務易」(eTax)平台進行網上報稅,既方便、快捷又環保。

透過「稅務易」報稅的確有唔少優點。你可以睇到係咪仲有尚未提交嘅報稅表、尚未清繳嘅稅款、即時估計埋應該要交幾多稅,仲可以經平台更新你喺稅局嘅個人資料紀錄等等。

此外,利用「稅務易」平台嘅報稅期限可以自動延長1個月,即係由報稅表發出日期起嘅2個月內報稅就得啦。

如何計算要交幾多薪俸稅?

你要繳付嘅薪俸稅額係按照你喺該課稅年度(上年4月1日至今年3月31日)嘅「入息總額(Total Income)」為基礎,透過2種唔同嘅計算方法– 「累進稅率計算法」及「標準稅率計算法」,計出兩項稅款,最終你須繳付嘅薪俸稅額會以較低者為準︰

1.累進稅率計算法

累進稅率計算公式︰

應課稅入息實額(Net Chargeable Income) = 入息總額(Total Income) – 扣除(Deductions) – 免稅額(Allowances)

累進稅款=應課稅入息實額X累進稅率

2018/19課稅年度及其後的累進稅率如下:

應課稅入息實額稅率稅款
首$5萬2%$1,000
其後$5萬6%$3,000
$10萬$1,000+$3,000=$4,000
其後$5萬10%$5,000
$15萬$4,000+$5,000=$9,000
其後$5萬14%$7,000
$20萬$7,000+$9,000=$16,000
其後的餘額17%$16,000+餘額之17%

2.標準稅率計算法

標準稅率計算公式︰

入息淨額(Net Income) = 入息(Total Income) – 扣除(Deductions)

標準稅款=入息淨額X標準稅率(15%)

就咁講可能有啲空泛,赤兔舉一個具體例子教你點計。假設陳先生係一名打工仔,每月薪金為$40,000,無其他額外收入,亦只得基本免稅額。按照2018/19課稅年度及其後嘅評稅方法,究竟佢一年要交幾多錢稅呢?

入息 ($40,000 x 12個月)$480,000
「扣稅」項目︰強積金供款($1,500 x 12個月)$18,000
入息淨額$462,000
基本免稅額$132,000
應課稅入息實額$330,000

由上表可見,若以累進稅率計算法,由於陳先生嘅應課稅入息實額超過$20萬,佢需要繳付︰

$16,000 + ($330,000 – $200,000) X 17% =$38,100

若以標準稅率計算法,佢需要繳付︰

$462,000 X 15% =$69,300

根據兩者取其低者為準之原則,陳先生最終須以累進稅率計算稅款,即係需要交稅$38,100

2018/19課稅年度「免稅額」列表

當然,除咗個人基本免稅額,其實你仲可以因應家庭情況申請其他「免稅額」,下表列出咗2018/19課稅年度及其後嘅各項免稅額,納稅人申報有關免稅額時亦須留意其詳情

基本免稅額$132,000
已婚人士免稅額$264,000
子女免稅額
第1名至第9名子女(每名)$120,000
在每名子女出生的課稅年度,子女免稅額可獲額外增加$120,000
供養兄弟姊妹免稅額$37,500
供養父母及供養祖父母或外祖父母免稅額 (每名)
如年齡為55歲或以上但未滿60歲$25,000
如年齡為60歲或以上$50,000
未滿60歲但有資格根據政府傷殘津貼計劃申索津貼$50,000
供養父母及供養祖父母或外祖父母額外免稅額(每名)
如年齡為55歲或以上但未滿60歲$25,000
如年齡為60歲或以上$50,000
未滿60歲但有資格根據政府傷殘津貼計劃申索津貼 $50,000
單親免稅額$132,000
傷殘受養人免稅額$75,000
傷殘人士免稅額$75,000

資料來源︰稅務局

留意返,以上免稅額都會受到一啲條款限制,最容易令人「誤會」或報錯嘅免稅額相信係供養父母、祖父母及外祖父母免稅額喇。

舉個例,你同阿哥想申報父母免稅額,咁只可以每人報一個。如果其中一個人報晒父母二人,咁你或者阿哥就唔可以報架喇,供養祖父母同外祖父母嘅Case 都係一樣。

所以,如果你有兄弟姐妹,就要同佢哋夾清楚每人會報邊幾個供養人士。

常見稅項「扣除」介紹及計算

下表列出了部分常見稅項扣除(下稱「扣稅」)項目,納稅人申報有關扣稅項目時亦須留意其詳情。

扣稅項目扣稅上限(2018/19課稅年度及其後)
自願醫保計劃保費(每名受保人)$8,000
合資格年金保費及可扣稅強積金自願性供款$60,000
個人進修開支$100,000
強積金計劃或認可職業退休計劃供款$18,000
居所貸款利息$100,000
長者住宿照顧開支(每名長者)$100,000

比較多人用到嘅「扣稅」項目包括強積金計劃或認可職業退休計劃供款(MPF)及個人進修開支,而自願醫保保費開支、合資格年金保費、可扣稅強積金自願性供款亦已通過嘅新增「扣稅」項目。目前,喺眾多醫療保險保費之中,只有自願醫保保費支出先可以扣稅。

自願醫保計劃保費

稅務局指出,納稅人或者其配偶喺2019年4月1日起以保單持有人身分為自己或者指明親屬繳付自願醫保保單嘅合資格保費,就可申請扣稅。每名受保人嘅最高保費扣除額係$8,000,可申請扣稅嘅受養人數目不設上限。

納稅人只要將自願醫保扣稅項目嘅有關資料填返喺報稅表,稅局喺計算該年度薪俸稅暫繳稅時,就會作出考慮。

透過稅務易(eTAX)網上報稅嘅話,確認個人資料之後,到「選擇報稅表各部」嗰版,要剔返「根據自願醫保計劃保單繳付的合資格保費」嗰一格(紅圈)。

稅務易 etax 自願醫保扣稅

(稅務易 eTAX 截圖)

填完個人入息等資料,就會嚟到「根據自願醫保計劃保單繳付的合資格保費」呢一版。為自己投保嘅話,簡單填返第(1)項嘅「為本人繳付的合資格保費」(紅圈)就得。

如果你係幫親屬俾保費嘅話,記得填返第(2)項「為指明親屬繳付的合資格保費」嘅所需資料同保費(藍圈)。

稅務易 etax 自願醫保扣稅

(稅務易 eTAX 截圖)

合資格年金保費及可扣稅強積金自願性供款

合資格延期年金保費方面,稅局指由2019年4月1日起,納稅人就繳付合資格年金保費以及作出可扣稅強積金自願性供款,均可享有薪俸稅或個人入息稅扣減。每名納稅人嘅扣稅上限係每年$60,000。

無論夫婦係聯名年金領取人,抑或納稅人或者佢嘅配偶係單一年金領取人,該納稅人都可以就年金保費申請扣稅。須繳稅嘅夫婦之間可分配合資格年金保費嘅扣稅額,兩人每年可扣除總額係$120,000,前提係每個納稅人所申請嘅扣除額唔可以超過個人上限。而可扣稅強積金自願性供款係設有「保存規定」,只可喺年滿65歲後或符合法定原因先可以領取。

2018/19年度嘅報稅表未有包括呢項扣稅項目嘅申請,要2019/20年度至有。今年報稅要申請有關扣減就要喺提交報稅表後,再填寫「反對/申請修訂評稅* 通知書(IR831)」表格提出申索

我哋又用一個簡單例子解,睇睇「扣稅」項目可以慳到幾多稅,就用返陳先生個例子,佢嘅月入係$40,000,不過佢係該課稅年度入面就使咗$20,000進修,仲用咗$5,000購買自願醫保︰

全年入息 (HK$40,000 x 12個月)$480,000
強積金供款(HK$1,500 x 12個月)$18,000
個人進修開支$20,000
自願醫保保費$5,000
總入息淨額$437,000
基本免稅額$132,000
應課稅入息實額$305,000

註︰根據2018/19課稅年度資料計算

由於陳先生嘅應課稅入息實額係$305,000,超過$20萬,佢嘅應繳稅款=

$16,000 + ($305,000 – $200,000) X 17% =$33,850

可見,陳先生申索3項「扣稅」項目後,以累進稅率計算嘅應繳稅款為$33,850,比起完全無申請「扣稅」項目嘅應繳稅款($38,100),總共慳咗$4,250

越早規劃人生,越早得到保障,是時候替自己購買一份適合自己的醫療保險!

作者介紹︰

Bowtie挑戰固有行業傳統,揉合專業知識及尖端科技,改革消費者購買保險的方式、減少多餘的投保、索償程序與魔鬼條款。我們從香港人切身需要出發,提供合身的「純保障」產品。

*本文章內容由Bowtie團隊提供並只供參考,GoBear對任何人因使用或誤用任何信息或內容,或對其依賴而造成的任何損失或損害,不承擔任何責任。

以上資訊由Bowtie(保泰人壽)帶給你。在我們的網站上列出這些特定產品並不構成我們對這些產品的推薦或認可(明示或暗示),並且您不應將此處列出的任何產品視為邀請或誘使訂立保險合同 。 您不應依賴此處列出的這些產品來做出與訂立保險合同有關的決定。對於這些產品在此網站上列出,我們並不作為持牌保險代理機構或持牌保險經紀公司。如您想進一步了解有關資訊或產品,請聯絡保險公司以索取更多產品資訊。

伸延閱讀

Ask an Expert

You are about to post a question on finder.com:

  • Do not enter personal information (eg. surname, phone number, bank details) as your question will be made public
  • finder.com is a financial comparison and information service, not a bank or product provider
  • We cannot provide you with personal advice or recommendations
  • Your answer might already be waiting – check previous questions below to see if yours has already been asked

Finder.com provides guides and information on a range of products and services. Because our content is not financial advice, we suggest talking with a professional before you make any decision.

By submitting your comment or question, you agree to our Privacy Policy and Terms.

Questions and responses on finder.com are not provided, paid for or otherwise endorsed by any bank or brand. These banks and brands are not responsible for ensuring that comments are answered or accurate.
Go to site