【懶人早餐】4個簡易健康早餐食譜 5分鐘搞掂

雖然好多學生、打工仔都「唔會空肚食早餐」，但早餐為每日的能量來源，能提起大家的精神。不過，平時各位朝早起身後都趕急地梳洗出門，哪有時間整早餐？話雖如此，出面買的早餐油份多、飽和脂肪高，實在少食為妙。阿睥今次就為大家介紹幾個健康又易整的早餐食譜，等你朝早醒神咁返工返學。

1. 蕃薯 + 烚蛋

材料	1隻中型蕃薯 1至2隻烚蛋
份量	1人
準備時間	2分鐘
做法	前一晚將蕃薯清淨，加入適量清水，連同蕃薯一起放入電飯煲內，翌日起身起可有熱呼呼的早餐食。早上刷牙前將1－2隻蛋放入煮食煲，煮6－10分鐘即可，梳洗完就可以即刻有早餐食！
好處	早上幾乎零準備，換好衫就可以食，趕時間的亦可將蕃薯和蛋放入食物盒帶回公司慢慢食。另外，蕃薯的膳食纖維相當豐富，能促進腸部儒動，排毒甚佳。
壞處	有些人食完蕃薯可能會肚漲，要注意多飲水。

*營養價值以Myfitnesspal計算

材料	1隻牛油果 100g水浸吞拿魚罐頭 2隻溫泉蛋 2塊全麥麵包 1杯無糖/低糖豆漿
份量	1至2人
準備時間	5分鐘
做法	將牛油果、吞拿魚及溫泉蛋壓碎並混合，搽上全麥麵包上。有時間的朋友還可以放入焗爐/多士爐焗五分鐘，更加滋味！
好處	簡單易整，一份早餐有齊充足的蛋白質和碳水化合物。而且牛油果所含的脂肪對人體有益，不帶飽和脂肪，亦有豐富纖維，加多杯無糖豆漿，這個早餐很飽肚，輕鬆捱到食晏！
壞處	牛油果的價格較貴，常常食的話可能會不經濟。另外，揀牛油果亦有很大學問，要揀到熟的牛油果並不容易。

阿睥提提你1 如果前一晚預先整定，最好先將牛油果搽上檸檬汁，以防止牛油果氧化變黑。

阿睥提提你2 只要拉出位於牛油果根部的椗，便能得知牛油果的生熟程度。若根部呈黃色，即表示牛油果的熟度剛剛好。

*營養價值以Myfitnesspal計算

材料	150-300g 無糖希臘乳酪自選配料（如藍莓、奇異果、朱古力碎、奇亞籽及muesli雜錦穀物片等）少許蜜糖/楓糖漿
份量	1人
準備時間	30秒
做法	將自選配料加入乳酪上，再淋上少量蜜糖/楓糖漿，完成！
好處	無糖希臘乳酪口感順滑且濃稠，健康又飽肚，簡單配搭生果或muesli已很美味。
壞處	無糖希臘乳酪在一般超市較難找到，外資超市如Gateway、City Super 、M&S或Market Place 則多數會有。要注意的是，希臘乳酪屬乳製品，不少亞洲人有乳糖不耐症，所以可能會對乳酪敏感，引致腹瀉。

建議組合

1. 藍莓奶昔

2. 朱古力香蕉奶昔

3. 抹茶士多啤梨奶昔

4. 排毒蔬菜奶昔

基本食材	半碗燕麥 1杯(250ml) 低脂牛奶/豆漿/原味乳酪少許鹽少許蜜糖/楓糖漿 2湯匙奇亞籽*/可可粉/抹茶粉 (可省略)
早上加配料	2湯匙自選配料(如藍莓、奇異果、蘋果、朱古力碎及果仁等) 花生醬或杏仁醬(可省略)
份量	1人
準備時間	1分鐘
做法	準備一個可密封的容器，如玻璃樽或食物盒，先放入麥皮，再加入鹽、蜜糖/楓糖漿、奇亞籽以及牛奶/豆漿/原味乳酪，攪拌好再密封放入雪櫃，第二日起身加入你喜歡的配料就可以食啦
好處	燕麥低糖高營養、膳食纖維高。睡覺前將所有材料混句即可，早上起身零功夫。吃不慣凍早餐的還可將整碗燕麥放入微波爐叮60－80秒，便可有熱騰騰的早餐享用。
壞處	燕麥本身的味道較淡，未必每個人都喜歡，不過加上生果或朱古力碎就會較易入口

阿睥提提你﹕加入奇亞籽的隔夜燕麥質地會較稠，喜歡質地較稀的可以額外加一點牛奶

阿睥提提你﹕燕麥又分好多隻，建議選擇傳統燕麥片(rolled oats)或去殼燕麥(stell-cut oats)，營養價值比常見的即食燕麥高，蛋白質和膳食纖維都比即食麥片多，而且較有嚼口，口感比一般的即食麥片好。

正所謂「一日之計在於晨」，朝早食完早餐先有動力，亦是減肥的關鍵，皆因中大研究表示有食早餐習慣的生產力和專注力會較好，成績和工作表現都會比不食早餐的高，所以食得豐富有營養很重要！不過，健康早餐只是維持身體健康的第一步，想更有效保障健康，應選擇合適醫療保險，確保自己得到全面保障，就可安心享受各種美食。

比較全港不同醫療保險

伸延閱讀

Thank you for your feedback!